Wasiirka Warfaafinta Puntland Maxamuud Xasan Soo-Cadde ayaa sheegay inay ka saareen maleyshiyaadkii al-Shabaabka ahaa ee ku sugnaa Togga Suuj, halkaasoo afartii maalmood ee la soo dhaafay uu dagaal adag ka socday.

Wasiir Soo-Cadde ayaa sheegay inay gacanta ku hayaan maxaabiis aanu tiradooda sheegin, isagoo xusay inay dhowaan soo bandhigayaan.

Sidoo kale waxaa uu sheegay inay jiraan dagalayahano kale oo meel gaar ah aaday, balse waxaa uu ugu baaqay dadka deegaanka inay soo sheegaan cidii aragta sida uu yiri.

Wasiirka warfaafinta puntland Maxamuud Xasan soo-cadde ayaa waxa uu sheegey in ay dileen tiro ka tirsan maleyshiyada kooxda shabaab.