Francisco Madeira ayaa ugu horeyn ka hadlay howlgalkii lagu qabtay deegaano hoostag gobolka Shabellaha dhexe, kaasi oo si wadajir ah ay u qabteen ciidamada qaranka, iyo kuwa midowga Afrika ee Amisom.

"Anaga iyo ciidanka Qaranka Soomaaliya waxaan gaarnay Guula la taaban karo howlgalkii aan ka sameynay magaalooyin ka tirsan gobolk Shabeellaha Dhexe, waxaana dib u sii riixnay maleeshiyaadka Al-shabaaab, waana sii wadaynaa ilaa aan ka dhameestirno dhamaan goobaha ay haraadiga ku yihiin”ayuu yiri Francisco Madeira.

Hirgalinta qodobadii ka soo baxay shirkii jabuuti ay ku yeesheen madaxda Ciidamada Ay ka joogaan Soomaaliya ayuu ku sheegay inay muhiim u tahay dagaalka ka dhanka ah Al-shabaab.

Madaxa howlgalka Amisom waxa uu bogaadiyay talaaboyin loo qaaday doorashooyinka iyo wada shaqeynta wanagsan ee ka dhaxaysa Amisom iyo ciidamada qalabka sida, Amniga ayuuna tilmaamay inay muhiim u yihiin bulshadda,isagoo intaasi raaciyey in dadaalka ay isugu geynayan furitaanka wadooyinka argagaxisadu ay go’doomiyeen.