Tiro ka tirsan Maleyshiyada kooxda shabaab oo lagu diley Bakool
Aadan Cabdi Maxamed oo ah gudoomiye ku xigeenka dhanka amniga ee maamulka demada Xudur ayaa sheegay howlgal gaar ah oo ciidamada ay ka sameeyeen duleedka Degmada Xudur in lagu dilay Lix nin oo ka tirsan maleyshiyada Shabaab
Wuxuu sheegay in ay iska caabin kala kulmeen raggii ka midka ahaa shabaab halkaasina ay ku dileen 6 ka mid ah maleyshiyada kooxda shabaab gacantana ay ku dhigeen gaadiid ay adeegsanayeen waa sida uu hadalka u dhigaye.
"Kooxda nabad diidka ah ayaa gaadiidka isbaaro u dhiganaye tuulooyin ku dhaw degmada Xudur, ciidanka ayaa ku baxay waxaana nasiib wanaag aynu ku guuleysannay inaan qaarna dilno kuwo kalena ka dhaawacno, waxaan gacanta ku dhignay mootooyin ay adeegsanayeen iyo gaadiid kale” ayuu yiri gudoomiye ku xigeenka.
Tiro ka tirsan Maleyshiyada kooxda shabaab oo lagu diley Bakool
Maamulka Degmada Xudur ee Gobalka Bakool ayaa ka warbixiyay howlgallo ay ciidamada dowladda Somaaliya ka sameeyeen deegaanno ku dhaw degmadaasi kaasi oo ay ka dhalatay khasaare dhimasho iyo dhaawac isugu jirta.