Guddoomiyaha Gobolka banaadir ahna duqa magaaladda Muqdisho Mudane Yuusuf Xuseen Jimcale ayaa maantay shir guddoomiyey kulan looga hadlayey xaaladaha ammaanka iyo Nadaafada Gobolka Banaadir oo lagu qabtay xarunta Aqalka Dowladda Hoose ee Xamar.

Kulanka ayaa dhaca maalin walba oo Axad ah, kaas ay kasoo qeyb galaan, maamulka gobolka, 17ka guddoomiye degmo iyo Laamaha amaanka gobolka banaadir.

Kulanka ayaa maanta lagu gorfeeyay halka ay mareyso canshuuraha guryaha iyo Naleynta Caasimadda, waxaana la isku raacay in ay meel fiican marayaan loona baahan yahay in la sii wado.

Guddoomiyaha Gobolka ayaa kulanka intii uu socday waxa uu ka warbixiyay socdaalkii uu dhawaan ku tegay magaaladda London oo uu ku tilmaamay in uu guul ku soo dhamaaday, Jaaliyadda Soomaaliyeedna ay u balan qaadeen in ka qeyb qaadanayaan horumarka gobolka.

Ugu dambeyntii kulanka ayaa la isku raacay in horumarka caasimadda meel looga soo wada jeesto .