Waxaa degan Xaaladda Magaalada Marka Ee Xarunta Gobolka Shabellaha Hoose oo ay Maanta la wareegeen Ciidamada Dowladda Soomaaliya iyo kuwa AMISOM.

Wararka ka imaanaya Marka ayaa sheegaya in Xaaladda Magaalada ay hadda tahay mid degan,iyadoo ay Furmeen meelaha qaar Goobihii ganacsiga.

Guddoomiye Kuxigeenka Degmada Marka ee dhanka Amniga C/kariin Xasan Xuseen  oo la hadlay Radio Kulmiye ayaa sheegay in Ciidamada Dowladda iyo kuwa AMISOM ay si buuxda u la Wareegeen Magaalada islamarkaana Shabaab ay iskaga baxeen Degmada.

Guddoomiye Kuxigeenka waxaa  kale oo uu Xusay in ay Al-shabaab kula Dagaalami doonaan degaanada Hoosyimaada Magaalada Marka ee Xarunta Gobolka Shabellaha Hoose.

Wali lama Oga Tirada ku dhimatay Dagaalka ka dhacay Magaalada Marka,iyadoo aysan wax war ah ka soo saarin Saraakiisha Ciidamada AMISOM iyo kuwa Dowladda Soomaaliya.