Taliyaha saldhigga Degmada Xamar weyne ee Gobolka Banadir C/qaadir Axmed Nuur, ayaa sheegay iney sharciga la tiigsan doonaan ciddii ay ku caddaato weerar xalay lagu qaaday guriga wasiiru dowlaha Gaashaan dhigga-dowladda federaalka Soomaaliya.

Taliyaha ayaa intaa raaciyay in tuhmanayaasha ay iminka gacanka ku hayaan laamaha ammaanka oo ay tiradoodu gaarayso Shan qof, la marin doono baaritaanno ku filan, si loo waafajiyo sharciga.

Ciidanka Boliiska Degmada Xamar weyne,ayaa hawlgal dheer ka dib Gacanta kusoo dhigay Shan qof oo dhammaantood Rag ah,kuwaasoo lagu eedeeyay iney ka dambeeyeen weerar Bam Gacmeed ahaa,oo lagu qaaday Guriga Wasiiru dowlaha Gaashaan-dhigga Soomaaliya, waxaana ku geeriyooday hal qof halka Afar kalana ay ku dhaawacmeen.