Al-Shabaabkii weeraray Degaanada Maamulka Puntland oo Dil Toogasho ah lagu Xukumay
Tirada 43 ruux ayay Maxkamaddu sheegtay inay ahaayeen dadka waa weyn ee ku jiray maxaabiistii ay dagaalka ku qabteen, iyadoo labo ruux oo da’dooda ahaa 16-jir dib loo celiyay.
Xeer Ilaaliyaha Maxkamadda Puntland C/llaahi
Xirsi Cilmi oo la hadlayay Laanta afka Soomaaliga ee BBC-da ayaa sheegay in
xukunka dilka ee lagu xukumay maxaabiistan loo xuskaday sharciga la dagaalanka
Argagixisada ee Puntland.
"Nimankan waxay qirteen inay Shabaab yihiin,
oo xeebaha doonto ka soo raaceen oo Al-Shabaab yihiin, dad bey dileen, dad bey
barakiciyeen, sharciga la dagaalanka Argagixisada ee Puntland ayaa loo cuskaday
waana dil toogasho”ayuu yiri Xeer Ilaaliyaha Maxkamadda Puntland.
Xeer Ilaaliyaha ayaa sheegay in xukunkan uu
yahay mid horu dhac ah, isla markaana ay haatan heystaan racfaan muddo bil ah,
isagoo xusay in go’aanka ugu dambeeya ay leedahay dowladda Puntland, marka ay
maraan Maxkamada labaad iyo tan saddexaad sida uu yiri
Mar la weydiiyay tirada maxaabiistii ay ku
qabteen dagaaladii bishii Maarso ayuu sheegay inay ahaayeen 97 ruux, isagoo
xusay in 54 ka mid ah dib loo celiyay, maadaama aysan qaan-gaar aheyn, waxaana
uu intaa ku daray in la geeyay goobo lagu dhaqan celiyo.
Ugu dambeyn xukunkan oo dhacay khamiistii
ayaa noqonaya tiradii ugu badneyd hal mar Maxkamadda Puntland ay dil toogasho
ah ku xukuntay, iyadoo sanadkii 2013 ay aheyd markii illaa 12 ruux oo haween ku
jirtay Maxkamadda dil toogasho ah ku xukuntay, kuna riday.
Al-Shabaabkii weeraray Degaanada Maamulka Puntland oo Dil Toogasho ah lagu Xukumay
Maxkamadda Ciidamada qalabka sida ee Puntland ayaa dil toogasho ku xukuntay 43 ruux ka mid ahaa maxaabiistii lagu qabtay dagaaladii Ciidamada Puntland iyo Al-Shabaab ku dhex maray deegaano ka tirsan Nugaal iyo Mudug.