Col:David Obonyo oo ah Af-hayeenka Ciidanka difaaca Kenya ayaa shaaciyay iney 21 ka mid ah mintidiinta Al-shabaab ku dileen degaanka Xawinaa oo ka tirsan gobolka Jubbada hoose.

Bayaan ay soo saareen Millitery-ga Kenya ayaa lagu sheegay in xubin ka tirsan Ururka Al-shabaab uu rasaas ku furay xilli uu ciidankoodu ku safrayay waddada u dhexeysa Taabta iyo Dhoobleey, taasoo keentay iney ciidamadu halkaasi ka sameeyaan hawl-gal lagu baacsanayo Malleeshiyaadka jid galka sameeyay,kaasoo isu beddelay dagaal fool ka fool ah.

Xubnaha laga dilay Al-shabaab ayaa la sheegayaa inuu ku jiray sarkaal hoose oo lagu magacaabo Salaad Bart, kaasoo Malleeshiyada u qaabbilsanaa aagga lagu dagaalamay ee Xawinaa.

Ciidanka difaaca dalka Kenya ayaa sheegay iney Al-shabaab ka qabsadeen hub iyo saanad Millitery oo ay ka mid yihiin 17 qori AK-47 iyo dhowr gentaalaha garabka laga gano ah.

Seorce:The Standard