Deg Deg: Ciidamada dowladda iyo kuwa AMISOM oo la wareegay deegaanka Moqo-kori
Ciidamada Dowladda iyo kuwa Nabad Ilaalinta Midowga Afrika ee AMISOM gaar ahaan ciidamada dowladda Jabuuti iyo kuwa Ethiopia ayaa la wareegay gacan ku heynta Deegaanka Moqo-kori oo qiyaastii 45km dhanka bari uga beegan degmada Maxaas ee Gobolka Hiiraan, halkaasi oo ka mid ah meelaha ay dadka ku dhibaateyn jireen maleeshiyada Al-Shabaab.
Ciidamada wadajirka ah ayaa si nabad ah kula wareegay caawa fiidkii deegaanka Maqo-kori halakasi oo ay isaga carareen maleeshiyaadka Al-Shabaab, waxaana howlgalka ay ciidamadu kula wareegeen deegaanka Moqo-kori uu qeyb ka yahay qorshaha ay ciidamada dowladda iyo kuwa AMISOM ay ku doonayaan in guud ahaan Al-Shabaab laga cirib tiro
Saraakiisha Ciidamada hogaamineysa ayaa ku soo waramay in dadka deegaanka ay soo dhaweeyeen ciidamada dowladda iyo kuwa AMISOM ee la wareegay gacan ku heynta deegaanka Moqo-kori, halkaasi oo ay ciidamadu ka sameeyeen howlgallo amni xaqiijin ah.
Deg Deg: Ciidamada dowladda iyo kuwa AMISOM oo la wareegay deegaanka Moqo-kori
.