Taliyaha Ciidanka Xoogga Dalka Oo Dalacsiiyay Howlwadeenada Isbitaalka Xoogga "Sawirro"
Taliyaha Ciidamada Xoogga Dalka Soomaaliyeed Sareeya gaas Daahir Aadan Cilmi Indhaqarshe oo maanta kormeeray Xarunta Isbitaalka Xoogga ee magaalada Muqdisho ayaa dalacsiiyay howlwadeenada isbitaalkaasi min xidig iyo laba xidig oo dhiira galin u ah dhalinyaradaasi oo ku shaqeynaya arrimaha caafimaadka.
Dalacsiinta howlwadeenada ayaa ka
dambeysay kaddib markii tababar ay ku soo qaateen xarunta tababarka ciidanka
xoogga dalka Soomaaliyeed ee Jaziira, waxaana dhalinyaradani ay yihiin kuwo
aqoon durugsan u leh arrimaha caafimaadka, waxaana si toos ah ay kaga
howlgalayaan Isbitaalka Xoogga oo ah mid uu leeyahay Qaranka Soomaaliyeed gaar
ahaan loogu adeego Ciidanka Xoogga Dalka Soomaaliyeed.
Taliyaha Ciidanka Xoogga Dalka
Soomaaliyeed Sareeyo Gaas Daahir Aadan Cilmi Indhqarshe ayaa kula dar daarmay
howlwadeenadaasi in si dhab ah ay u gutaan waajibaadka shaqo ee laga doonayo,
waxaana uu u sharaxay isbitaalkani muhiimada uu ugu fadhiyo bulshada
Soomaaliyeed gaar ahaa ciidanka xoogga Dalka Soomaaliyeed.
Taliska Ciidanka Xoogga Dalka
Soomaaliyeed oo waayihii dambe ku howlanaa dib u dhiska iyo tayeynta Ciidanka
Xoogga dalka Soomaaliyeed, ayaa waxaa ibitaalkani dib u howlgalintiisa ay ka
dhigantahay rajadii ciidanka oo soo noqotay iyo Xuquuqaadka Ciidanka oo
arrimaha caafimaadka ay ka mid yihiin meel ayay kortay.
Taliyaha Ciidanka Xoogga Dalka Oo Dalacsiiyay Howlwadeenada Isbitaalka Xoogga "Sawirro"
.