Taliska Midowga Afrika Amisom ee Howlgalka u jooga Soomaaliya ayaa waxa ay ka hadleen Howlgalada Ciidanka Xoogga Dalka Soomaaliya iyo kuwa AMISOM ay ka wadaan Degaanada Gobolka Shabeelaha Dhexe Isla Markaana Al-shabaab lagu Baacsanayo.

Taliyaha Ciidanka AMISOM ee Gobolka Shabeelaha Dhexe ayaa ka hadlay Howlgalada ka socda Gobolka shabellaha Dhaxe iyo la wareegida Degaanka  tuulada Miir-taqwe oo hoostagta Degmada Mahadaay.

Ciidamada Xoogga Dalka Soomaaliya iyo kuwa Amisom ayoo sheegay in ay Howlgalka ku dileen Maleyshiyaad ka Tirsan Al-shabaab

"Waxaa wax lagu farxo ah Howlgalada Ciidamada iskaashanaya ay kula wareegeen Tuulada Miir-taqwe ee Gobolka Shabeelaha Dhexe, sidoo kale way sii socon doonaan Howlgalada ka dhanka ah Shabaab” Ayuu yiri Taliyaha Ciidanka AMISOM ee Gobolka Shabeelaha Dhexe.

Tuulada Miir-taqwe ee Gobolka Shabeelaha Dhexe ayaa waxa ay ka mid tahay tuulooyinka hoos yimaada Degmada Mahadaay ee Gobolka Shabeelaha Dhexe.