Mareykanka oo sheegay in duqeyntii Toora-Toorow ka dhacday in lagu dilay Madaxii Amniyaadka Al-shabaab
Afhayeen Taliska Dhexe ee Mareykanka ee Afrika Captain Jennifer oo la hadlay waakarada wararka Shinwa ayaa sheegtay in duqeyn maalintii Isniintii ka dhacday deegaanka Toora-Toorow ee Gobolka Shabeellaha Hoose lagu dilay afar Horjooge oo ka tirsan Nabadiidka Al-Shabaab
Captain Jennifer Dyrcs ayaa sheegtay in howl
galkan ay qeyb ka ahaayeen Ciidamo Soomaali ah, isla markaana ay
bartilmaameedsadeen Maleyshiyaad ka tirsan Al-Shabaab oo Xiriir la leh Ururka
Alqacida.
Waxa uu sheegay in intii uu socday howl galka ay Ciidamada si
wada jir ah u galeen Guriga Duqeynta ka dhacday kuna dileen afar Horjooge
Afahyeenka Taliska Dhexe ee Mareykanka ee
Afrika Captain Jennifer ayaa wakaalada wararka Shinwa u sheegay in Howlgalka in
ay ku dileen Madaxii Amniyaadka Al-shabaab ee Degmada Qoryooley
Ciidamada Kumaandooska Soomaaliya iyo Ciidamo
Mareykan ah ayaa muddooyinkii u dambeeyay howl gallo wada jir ah ka fuliyay
deegaano ka tirsan Gobolada Koofureed.
Waaxda difaaca ee Mareykanka ayaa bishii May
ee la soo dhaafay duqeyn ku dishay Horjooge sare oo ka tirsanaa Al-Shabaab,
kaasoo
lagu magacaabayay C/llaahi Xaaji Daa’uud oo
ahaa maskaxda dejineysay weerarada Somalia, Kenya iyo Uganda.
Mareykanka oo sheegay in duqeyntii Toora-Toorow ka dhacday in lagu dilay Madaxii Amniyaadka Al-shabaab
Ciidamada Militiriga ee Dalka Mareykanka ayaa sheegay in ay dileen afar kamid ah maleeshiyaadka ururka Al-shabaab kadib howlgal ay ka sameeyeen Deegaanka Tooratoorow ee Gobalka Shabeelaha Hoose.