Ciidamada Amaanka Ee Dowlad Goboleedka Puntland ayaa Gacanta kusoo Horjogayaal ka Tirsan Maleyshiyada Al-shabaab iyo Daacish kuwaasoo ka dagaalami jiray Buuraha Galgala iyo Calmadow, iyadoo saddexdan xubnood loo soo bandhigan warbaahinta.

Hojogayaashaan ka tirsan Al-shabaab iyo Daaciish ayaa lagu kala Magacabaa Muuse Aadan Maxamed oo loo yaqaanay (Gaal-Dile), Maxamed  Axmed Aadan C/llaahi Aw Cabdi oo loo yaqaano Shaafici iyo C/llaahi Ibraahim.

Horjooge Muuse Aadan Maxamed oo loo yaqaano Gaal-Dile ayaa ka mid ahaa Horjogayaasha Maleyshiyada Al-Shabaab ee Gobolada Koofureed, waxaa laga qabtay garoonka diyaaradaha Magaalada Boosaaso.

Muuse Aadan ayaa sheegay inuu Mar hore ka tagay Maleyshiyada Kooxda Al-shabaab  isla markaana uu diyaarad ka soo raacay Muqdisho, isagoo xusay inuu ka cabsi qabay in la ogaado oo la dilo markii uu ka soo baxsanayay Al-Shabaab.

Axmed aadan C/llaahi Aw-Cabdi ayaa sheegay in muddo afar sano uu ka tirsanaa Al-Shabaab, markii dambena uu ku biiray Daacish, isagoo ka mid ahaa muddo sagaal bilood uu ka bar bar dagaalamayay Daacish

Sidoo kale ninka saddexaad oo lagu magacaabo C/llaahi Ibraahim ayaa sheegay inuu ka howl geli jiray Buuraha Calmadow ee Gobolka Sanaag, isla markaana uu Daacish ka soo goostay 15 cisho ka hor.