Alle ha u naxariistee waxaa Saaka lagu wadaa in Magaalada Muqdisho lagu Aaso Abwaan Maxamed Cumar Nuur Nadaamiye oo Shalay ku Geeriyooday Isbitaalka Aadan Cadde Ee Magaalada Muqdisho.

Aaska Abwaanka ayaa waxaa ka qeyb galaya Abwaano,Fanaaniin Mas’uuliyiin ka tirsan Dowladda Soomaaliya iyo Ehelkiisa.

Agaasimaha Warbaahinta Dowladda C.raxmaan Sheikh Yuusuf Al-cadaala oo la hadlay warbaahinta ayaa sheegay in Magaalada Muqdisho lagu Aasayo Abwaanka.

Dhanka kale Fanaanka weyn Xasan Aadan Samatar oo ku sugan Dalka Dibaddiisa ayaa ka Tacsiyeey Geerida ku timid Abwaan Nadaamiye,waxaana uu Samatar sheegay in Heeso badan oo uu qaaday uu sameeyay Alle ha u naxariistee Abwaan Maxamed Cumar Nadaamiye.