Ciidamadii ugu horeyay Boolis Maamulka Jubbaland oo Tababar looga furey Magaalada Kismaayo+Sawiro
Tababarkani ayaa waxa uu socon doonaa muddo Saddex bilood ah, kaasoo ay bixinayaan macalimmiin ka socota ciidamada Boliiska Amisom ee Midowga Afrika.
Ciidamada tababarka loo furey ayaa laga soo kala uruuriyay Deegaanada Jubbaland, ayaa waxaa la sheegay inay qayb ka yihiin dadaalada lagu doonaayo in lagu horumariyo nabadgelyada Somaliya.
Ugu Horeytii tababarka ciidamada cusub ee booliska maamulka Jubbaland ayaa waxaa ka Hadley Taliyaha Booliska Amisom Anand Pillay , ayaa sheegay in muddo sanad ihi uu Jubbaland u tababari doono lix boqol oo askari, isla-markaana ay askartan bilow u tahay lixdaasi boqol.
Anand Pillay, Taliyaha Ciidanka Booliska Amisom, ayaa sheegay in Taliskoodu uu sii wadaayo tababarada uu siinaayo askarta cusub ee lagu biirin doono Booliska Jubbaland.
Wasiirka Arrimaha Gudaha Jubbaland, Maxamed Warsame Faarax (Darwiish), ayaa Amisom kaga mahadceliyay sida ay ugala shaqaynayaan arrimaha ammaanka iyo askarta ay u tababarayaan.
Askartan cusub ee loo tababaraayo Jubbaland, ayaa waxaa qayb ka ah haween/dumar, kuwaa oo diyaar u ah inay ka qayb qaataan suggida ammaanka dalka.
Ciidamadii ugu horeyay Boolis Maamulka Jubbaland oo Tababar looga furey Magaalada Kismaayo+Sawiro
Ciidamadaan uu maanta tababarka ugu furmey magaalada kismaayo ayaa tiradooda waxa ay gaareysaa Laba Boqol oo Askaro waxa ayna ka mid noqdoonaan ciidamada booliska Cusub ee maamulka Jubbaland.