Madaxweynaha Kenya, Uhuru Kenyatta ayaa waxuu ka dalbaday Beesha Caalamka in la kordhiyo Dhaqalaha la siinayo Hwlgalka AMISOM ee ka socda Dalka Soomaaliya.

Kenyatta ayaa sheegay in howlgalka AMISOM uu u baahan yahay in lagu soo kordhiyo Ciidamo dheeraad ah iyo Diyaarado Dagaal  oo ku tilmaamay in looga awood roonaan karo Xarakada Al Shabaab.

Madaxweynaha dowladda  Kenya  ayaa nasiib darro ku tilmaamay in Howlgalka AMISOM uusan weli helin ku dhawaad 12 Diyaaradood oo Sanadii 2012-kii ay Golaha Amaanka ee Qaramada Midoobay shaaciyeen in la siin doono.

Waxuu Madaxweyne Kenyatta uu sidoo kale shaaca ka qaaday in Beesha Caalamka ay ka gaabiyeen taageerida howlgalka AMISOM ee ka socda Koonfurta iyo Bartamaha Dalka Soomaaliya.

Waxa uu  Madaxweynaha Dowladda Kenya, Uhuru Kenyatta ayaa ugu baaqay Madaxda Dalalka Ciidamada ka joogaan Soomaaliya in QM ay u gudbiyaan codsi ku aadan ka fekerka mustaqbalka howlgalka AMISOM.