Maxkamadda ciidamada qalabka sida oo xukun dil ah ku fulisay askari "SAWIRRO"

0
Sunday January 03, 2016 - 14:47:54 in Wararka by Mustaf Xuseen
  • Visits: 1219
  • (Rating 0.0/5 Stars) Total Votes: 0
  • 0 0
  • Share via Social Media

    Maxkamadda ciidamada qalabka sida oo xukun dil ah ku fulisay askari "SAWIRRO"

    Maxkamadda ciidamada qalabka sida ayaa xukun dil ah ku fulisay askari ka tirsanaa ciidanka Nabadsugidda, kaasi oo horey u dilay qof rayid ah.

    Share on Twitter Share on facebook Share on Digg Share on Stumbleupon Share on Delicious Share on Google Plus

Maxkamadda ciidamada qalabka sida ayaa xukun dil ah ku fulisay askari ka tirsanaa ciidanka Nabadsugidda, kaasi oo horey u dilay qof rayid ah.

Xeer ilaaliye ku-xigeenka Maxkamadda ciidamada qalabka sida ee Soomaaliya Gaashaanle dhexe Cabdullaahi Xuseen Maxamed ayaa sheegay in taariikhu marki ay ahayd 04/07/2015 ay maxkamadda darajada kowaad ee ciidanka qalabka sida u fariisatay dacwad ciqaabeed loo heysatay gacan ku dhiigle Ex-dable NISA Mustaf Maaxiye Dooyoow oo 26 sano jir ah ina Maryan Sheekh Xaamud ku dhashay Baydhabo degan Xamar kana tirsan ciidanka Hay’adda Nabad sugidda iyo sirdonka Qaranka, kaasi oo xafiiska xeer ilaalinta ciidamada qalabka sida ku soo eedeysay in uu si bareer ah u dilay marxuum la oray jiray Maxamed Qaasim Barow, dilkasi oo ka dhacay degmada Deyniile 10/2/2015, waxayna Maxkamadda ku xakuntay in uu bixiyo diyadii marxuum Maxamed Qaasim Barrow iyo xabsi ciidan.

Xeer ilaaliye ku-xigeenka Maxkamadda ciidamada qalabka sida ee Soomaaliya ayaa yiri "Taariikhdu markii ay ahayd 12/07/2015 waxaa rafcaan ka qaatay xukunka maxkamadda darajada koowaad ee ciidamada qalabka sida dhinaca dhibanaha, waxaana taariikhdu markii ay ahayd 19/09/2015 ay maxkamadda sare ee ciidamada qalabka sida markale u fadhiisatay dacwad ciqaabeedkii loo heystay gacan ku dhiigle Ex-dable NISA Mustaf Maaxiye Dooyoow, waxayna ku xakuntay dil toogasho ah, kadib markii ay ku cadaatay in uu si bareer ah oo ula kac ah u dilay marxuum Maxamed Qaasim Barrow”

Maxkamadda ayaa maanta xukunka dilka ah ku fulisay Ex-dable NISA Mustaf Maaxiye Dooyoow, iyadoo dhinaca kale digniin u diray kuwa dadka dilaya in cadaaladda la horkeeni doono.

vlcsnap-2016-01-03-09h01m16s38 vlcsnap-2016-01-03-09h01m20s85 vlcsnap-2016-01-03-09h01m37s247 vlcsnap-2016-01-03-09h01m49s111 vlcsnap-2016-01-03-09h01m57s195 vlcsnap-2016-01-03-09h02m05s17 vlcsnap-2016-01-03-09h02m16s133 vlcsnap-2016-01-03-09h02m30s10  vlcsnap-2016-01-03-09h03m06s117 vlcsnap-2016-01-03-09h03m19s247 vlcsnap-2016-01-03-09h03m44s237 vlcsnap-2016-01-03-09h03m47s13

 




Leave a comment

  Tip

  Tip

  Tip

  Tip

  Tip