Ciidanka kumaandooska xoogga dalka ee danab ayaa degaano katirsan gobolka jubada hoose kasameeyay howlgalo lagu baacsanayo maleeshiyaadka argagixisada al-shabaab.

Howlgalka oo ay sameeyeen ururka 5-aad guutada 16-aad kumaandooska xoogga dalka ee danab ayaa waxay kasameeyeen degaanada Beer-xaani, Cabdi-dhoore, Qudus, iyo Liba kuus waxayna halkaasi ku burburiyeen fariisimo iyo goobo ay gabaad kadhiganjireen maleeshiyaadka argagixisada al-shabaab.

Sidookale ciidanka ayaa sameeynayay baaritaano dheeraad ah oo ay ku baadi goobayeen horjoogayaal katirsan al-shabaab iyagoono gacanta kusoo dhigay sadax maleeshiyaad ah iyo horjoogahoodi.

Sida uu Idaacadda Ciidamadda Qalabka Sida usheegay Taliyaha ururka 5-aad guutada 16-aad kumaandooska xoogga dalka ee danab Carab Dheeg Axmed

Taliyaha ayaa intaasi ku daray ujeedka howlgalka inuu yahay ciribtirka maleeshiyaadka argagixisada al-shabaab

Saraakiisha ciidamada danab ayaa dadka shacabka ah ee ku dhaqan goobaha howl galka laga sameeyay ka codsaday inay ay la shaqeeyaan ciidanka.