Beeraleyda ayaa mas’uuliyiinta la wadaagay cabashooyin la xiriira dhibaatooyinka ay Khawaarijta Al-Shabaab ku hayaan deegaannadooda iyo waxyeellooyin ay sheegeen inay kasoo gaareen qaar ka mid ah howlgalladii ugu dambeeyey ee gobolka ka dhacay.

Mas’uuliyiintu waxay dhegeysteen cabashooyinka beeraleyda, iyagoo adkeeyey muhiimadda ilaalinta dadka rayidka ah, hantidooda iyo wax-soo-saarka beeraha inta ay socdaan howlgallada amniga. Waxa ay sidoo kale xaqiijiyeen in cabashooyinka la diiwaangelin doono, lana gaarsiin doono hay’adaha ay khuseyso si loo baaro, loogana gaaro tallaabooyin ku habboon.