Ciidanka Xoogga Dalka oo Guulo Ka Gaaray Howlgallo Ka Dhacay Gobolka Hiiraan.
0
Monday January 27, 2025 - 18:50:04 in Wararka by Mohamed Muse Mohamed
- Visits: 26
-
- Share
Ciidanka Xoogga Dalka Soomaaliyeed iyo Ciidamada Degaanka ayaa howlgallo ballaaran oo ka dhan ah Khawaarijta ka sameeyay degaanno muhiim ah oo ku yaalla Gobolka Hiiraan.
Howlgalladan, oo si gaar ah uga dhacay degaanada bariga gobolka Hiiraan, ayaa lagu guuleystay in laga xoreeyo degaanno dhowr ah oo muhiim u ahaa maleeshiyaadka Khawaarijta.
Goobaha laga xoreeyay Khawaarijta waxaa ka mid ah Beero Yabaal, Bur Abooto, Eega Galmay, Jidcillaan, iyo Cadow Gurey.
Taliyaha Qeybta 27-aad ee Ciidanka Xoogga Dalka, Col. Cabdullaahi Cumar, oo la hadlay Warbaahinta Ciidamada Qalabka Sida, ayaa sheegay in Ciidamada Xoogga Dalka ay howlgallada ku dileen maleeshiyaad ka tirsan Khawaarijta, isla markaana ay burburiyeen saldhigyo muhiim ah oo cadowgu ku dhuumaaleysanayay. Sidoo kale, ciidamadu waxay gacanta ku dhigeen hub oo ay ka soo furteen Khawaarijta.
Howlgalladan ayaa qeyb ka ah dadaallada joogtada ah ee lagu xoreynayo degaannada dalka si looga ciribtiro Khawaarijta.
Ciidanka Xoogga Dalka oo Guulo Ka Gaaray Howlgallo Ka Dhacay Gobolka Hiiraan.
Ciidanka Xoogga Dalka Soomaaliyeed iyo Ciidamada Degaanka ayaa howlgallo ballaaran oo ka dhan ah Khawaarijta ka sameeyay degaanno muhiim ah oo ku yaalla Gobolka Hiiraan.