Ciidanka Xoogga dalka Soomaaliyeed oo kaashanaya dadka degaanka ayaa maanta si buuxda kooxd Argagixisada kala wareegay degaanno hoos-yimaada degmada Balcad ee gobalka Shabeellaha dhexe, ka dib howlgalo kooxda lagu afjaraayo oo ay qaadeen.

Degaananda maleeshiyaadka argagixisada maanta laga saaray ayaa kala ah Far-barako, Jameeco iyo Damaleey, waxayna  ciidamadda ku sii jeedaan degaano kale oo argagixisadu ka carartay

Xildhibaan Cusmaan Xaadoole oo dagaalka hoggaaminaya ayaa Warbaahinta Qaranka u xaqiijiyay in ciidamadda argagixisadu ka saareen degaanadaas,islamarkaana ku sii wajahan yihiin degaano kale oo ka tirsan gobolka Shabeellaha oo nabad-diidka bulshada ku baadaan.

Sidoo kale, Xildhibaanka waxaa howlgalka ku wehelinaya guddoomiyaha degmada Kaaraan Abshir Kaaraan, guddoomiye ku-xigeenka amniga iyo siyaasadda degmada Warsheekh Hiraab Maxamuud Maxamed (Jaakooy),Axmed Nuur Adeerow, guddoomiye ku-xigeenka amniga iyo siyaasadda ee degmada Hiliwaa, Maxamed Deeqow Geedoow guddoomiye ku-xigeenka amniga iyo siyaasadda ee deegaanka Daarusaalama iyo Saraakiil kale.