Booqashadan ayaa qayb ka ah sare u qaadista howlgalada lagu ciribtirayo Khawaarijta iyo xoojinta iskaashiga dhanka ammaanka ee u dhexeeya Ciidanka Xoogga Dalka iyo kuwa saaxiibada ah ee Turkisom.

Labada Taliye ayaa kulamo gaar ah la qaatay saraakiisha ciidamada ee halkaas ku sugan, waxayna warbixin rasmi ah ka dhageysteen xaaladda amniga iyo horumarka laga sameeyay dagaalka lagula jiro Khawaarijta.

Intaa ka dib, waxay kormeereen goobta laga dhisayo isbitaalka deegaanka Number 50, taas oo qeyb ka ah dadaallada horumarineed ee la socdo sugidda amniga. Taliyeyaasha ayaa bogaadiyay mashruuca isbitaalka, iyagoo sheegay in adeegyada caafimaad ee la qorsheeyay ay wax weyn ka tari doonaan baahida bulshada deegaanka.