Gawaari urarneyd ganacsatada magaalada Xuddur ayaa sinabad gelyo ah maanta ku soo gaaray Xudur kadib howgallo maalmihii lasoo dhaafay ciidanka xoogga dalka ay ka wadeen waddada isku xirta degmooyinka Xuddur iyo Ceelberde oo ka tirsan Gobolka Bakool.

Gawaaridan oo muddo ku xayirnaa magaalada Ceelberde ayaa si nabadgelyo ah loogu soogalbiyay magaalada Xuddur ee xarunta Gobolka Bakool, kadib markii ciidanka xoogga dalka ay howlgallo waddo nadiifin ah ka sameeyeen inta u dhexeysa labada Degmo howlgaladaasi oo ay kula dagaalamayeen maleeshiyaadka Al-shabaab kuwaasi oo caadeeystay inay dhibaateeyaan shacabka Soomaaliyeed Sida uu Idaacadda Ciidamadda Qalabka Sida u sheegay Taliyaha Qeybta 60-aad Xoogga Dalka Jeneraal Maxamed Shiikh Cabdulaahi.

 

Ganacsatada ayaa soo dhaweeyay in si nabadgelyo ah magaalada loo keeno gawaaridii u rarneyd, halka markii hore ay gaadiidka isticmaali jireen inta u dhexeysa deegaanka Qurac Joome iyo magaalada Xuddur.